قصيدة : افتكرتك... بقلم الشاعر / محمد احمد حسن ( ابومهاود )

افتكرتك ..
لما كنا اتنين فى واحد
لما كان قلبى بياخد
دقته من نور عنيكى
كل كلمه وكل همسه
كات مابينا
لسه فاكر ضحكتك ..
ولمسة اديكى
لما كنت احتاج دفا
وحضن مليان بالوفا
اجرى عليكى
افتكرتك ...
بعد طول الصبر
وسنين الضنا
مشتاق لضمة حضننا
وايام هواكى
افتكرتك ..
يوم ما جيتى تسلمى وتودعينى
كنتى لسه معايا وانا زايد حنينى
وخدتى قلبى ف سكتك ..
والروح معاكى
افتكرتك ..
________________
ابومهاود
محمد احمد حسن