قصيدة : ياواد يامحمد بقلم الشاعر : محمد احمد حسن --ابومهاود

كبرت يا واد يامحمد
والشعر الابيض بان
ايام وساعات بتمر
وكله يا واد بأوان
عندك م الولد تلاته
احمد . مروان وحنان
وبكره يا واد هتروح ..
كلنا هنروح ..
ولا كننا جينا عليها
ولا كنا وكان
والعمر دا قطر بيجرى
ولا دايمه الدنيا لحد
لا حفيد ولا جد
الرك ياولدى على الاعمال
وتكون انسان
ولا شعر هينفع ولا تفانين
لا قصايد يا ابنى
ولا دواوين ..
كلنا ماشيين
وكبرت ياواد يامحمد
عمرك بقى شيئ وشويات
وفاكره يا واد هيطول ..
اتنيل ..
اهو سهاك العمر وفات
__________
ابومهاود
محمد احمد حسن