قصيدة اخرتها ايه يازمن .. بقلم الشاعر محمد احمد حسن ( ابومهاود )

اخرتها ايه يا زمن
معكوس وبتخالف
كانك من زمااااان ضدى
حارن اوى وحالف
لا يوم تجيب سعدى
ولا يوم تفرحنى
فاكرنى ليه فى الهم
وتمللى تجرحنى
طول عمرى عاشقك اوى
وياريت تريحنى
حبيبى فى القلب جوه
وتمللى يوحشنى
امتى أنول الرضا
واسكن فى احضانه
والنعمه ابيع دنيتى
والكل علشانه
ويجى يوم انظره
لو كان فى إمكانه
مشتاق اوى لضمته
واشتقت لحنانه
ابوس ايديك يا زمن
ارحمنى من التباريح
من كتر حزنى بادوب
تعبت م التجريح
وبقيت كما الريشه
طاير فى هب الريح
_______________
ابومهاود
محمد احمد حسن