وحياة عينيكى السود .. بقلم الشاعر / محمد احمد حسن (ابومهاود)

وحياة عنيكى السود
والقصه ع الحاجب
وقدك المياس
يخطر ويتعاجب
قدمت قلبى مهر
وبرضوا مش عاجب
يا اجمل بنات حوا
لو الغرام قوه
هاكون انا مارد
ادخل ف قلب الليل
وعنيكى تبقى دليل
يمكن انول نظره
تحلى أيامى
تقصر سنين بعدك
وشوقى وهيامى
ولو انتى قدامى
عمرى ما اشوف غيرك
اصل الغرام احساس
وانا يابنت الناس
شاعر وشرقاوى
بكتب ف اشعارى
أسمر انا وغاوى
اكتب عشانك قصيده
بدايتها ف عنيكى
والنظره عنوانى
تايه وعنوانى
ادوب انا ف حضنك
واعود له من تانى
……………………
ابومهاود
محمد احمد حسن