الشرع قال اربعه ... بقلم الشاعر / محمد احمد حسن ( ابومهاود )

الشرع قال اربعه
وانتى اللى عجبانى
فى القلب متربعه
وسكنتى وجدانى
انا سني اصيل انما
فى هواكى علمانى
وازاى احب اربعه
وانتى اللى مالكانى
دا نظره منك كفايه
بتهز اركانى
بتوه وبرجع لأنى
ف عنيكى عنوانى
اخدك واطير فى السما
لو كان بإمكانى
احطك ف نن العين
يا عمرى وزمانى
اروح لغيرك ليه
وانتى اللى فاهمانى
الشرع قال اربعه
بس انتى عاجبانى
………………………
ابو مهاود
محمد احمد حسن