دنيا دواره . بقلم : هناء محمود

دنيا دوارة
ناس ساكنة ملامحنا
وناس تتمني تلمحنا
وناس حبنا دوبهم
وناس حبهم دوبنا
واهي دنيا ودوارة
ناس تتمني ترضينا
وناس نتمني نرضيها
وناس في وشوشنا تتبسم
وتحضن فينا وتسلم
وجوة القلب غل وكره
وناس عاملة لها من الاخلاق
توب ورداء
وناس ملعونة منبوذة
لاليها قيمة ولاعوزة
وناس عايشة ع الهامش
ولاظاهرة في الصورة
وناس بتعافر في الدنيا
وعايشة حياتها بالعافية
وناس عاملة لها عالم خاص
ماليه الحب والاحساس
وناس عايشة في دور الظلم
ولايوم حست بيه
وناس كارهة كل الناس
وناس الطيبة في ملامحها
وناس الحب دوبها
وناس الخوف ملا قلوبهم
وناس الحيرة في عقولهم
وناس تتخلي عن روحها
عشان غيرها
وناس تقول انا ونفسي
وبس نعيش
وناس عايشة وموش عايشة
وناس تتنفس الاهاااااات
وناس حلمها في رغيف
وناس حلمها في كتاب
وناس حلمها في كرسي
واهي دنيا ودوارة
قليل فيها يعيش مرتاح
هناء محمود...ام عبير