بجد بتوحشينى .... بقلم الشاعر / احمد عبد الحق

كل ليله في غيابك بندبح
احاول اكتب شوقي ليك
علي الورق
افتكرلحظة فراقنا انجرح
عارفه لما الليل يليل
افتكر كل الحاجات
هنا كان ركن الغرام
هنا كان لحظه هيام
هنا وقت كنا بنعشقه
كده من سكات
بحس ايدك لامسه ايدي
روحك حاضنه روحي
كل تفاصيل الحاجات
بجد بتوحشيني
كل ماافتكر ان انت غايبه
بتعذبيني
هو انت صحيح بتتعذبي
والا خلاص نسيتيني
فاكره لما قلتلي راجعه قوام
وعمرك ماهتتاخري
ولا كان كلام
انت لسه قد الوعد
علي نفس العهد
والله كل يوم بخاف
من غيابك اصله طال
حسي يلا وافهمي معني السؤال
هو ايه انك تقدري
تقري شعري وتسهري
وتبعدي وتقولي 
مش قادره والله انام
ممكن سؤال
ممكن..ممكن..ممكن
النهارده سعر الحب كام
احمد عبدالحق