رسالة طير مهاجر .. بقلم الشاعر / محمد جمال فايد ... فى مجموعة ابومهاود الشرقاوى الثقافية

..........رسالة  طير مهاجر............
طول عمرى أحبك 
...................وأستمتع بأحضانك 
وغبت سنين بعيد عنك 
.............ولسة متشعلق بأغصانك 
وأنام واصحى على صوتك 
............وجرى المية فى غيطانك 
وصوت الساقية بتغنى 
................مع نيلك على حصانك
واشوف غيرك  يفور دمى 
............وأشوف فى الورد ألوانك 
وأخط بقلمى من ألمى
..................بدمع عيونى عنوانك 
رضيت بالغربة يا غالية
................وكاس المر على شانك 
وأقول إمته  أرجعلك
................واحس بنبض وجدانك 
وأشوف مين نكر فضلك
.......ونسى عطفك عليه وإحسانك 
وفجر جامعة وكنيسة 
.....................وزاد همك وأحزانك 
وبكره يا حبيبتى راجعلك 
...................وجنبى كل من صانك 
ونبنى فيك كام مصنع 
......................ويبدع فيها شبانك 
وترجع لكل شيئ قيمته
.....................ويفتح ورد بستانك  
وناخد حقنا ياامه 
..............من كل حرامى يوم هانك 
وخان نفسه وخان أهله
......................وخان أهلنا و خانك
وتعودى يا أمى لمكانتك 
...............بجيشك وشعبك وربانك 
عروس الشرق وحصانته 
......................ويعم الفرح أركانك
وترجع طيورك الحلوة
.........تبنى أعشاشها جوه أحضانك
وتعيدلك بعد غياب
......هيبتك ومنزلتك وتعلى بنيانك
............يا دولة الغاليين...............
.................مع تحيات ...............
.........محمد جمال فايد ..............
.....جمهورية مصر العربية..............
..كفر شبرا زنجى الباجور منوفية....