حبيبى اتغير .... بقلم الشاعر / ابراهيم الافندى

(حبيبى إتغير)
ليه دمعك بيغطى عنيك
ليه أحزانك تكبر فيك
لا يا حبيبي إتغير
لو مقدرتش تهزم خوفك
عامل ألف حساب لظروفك
راح تفضل متحير
ﻷ يا حبيبى إتغير
لو هتسيب للدمع عيونك
صدقنى دموعك هتخونك
والاحزان هتفكر فيك
وهتعرف دبما أراضيك
على قلبك هتدور
لأ يا حبيبى إتغير
كلنا بالأحزان بنمر
والأيام فبها حلو ومر
تقدر جوا الحزن تغنى
لو تقدر طب ليه مستنى
لو أحزانك هتخليك
تنسى حبيب قلبك وعنيك
ايامك هتمرر
لا يا حبيبى إتغير
إنسى الحزن عشان ينساك
دور ع الإنسان جواك
لو ما يهمك تسعد نفسك
منتا بتظلم قلبى معاك
إنما لو تفتح أحضانك
للضحكة هتموت أحزانك
وجبينك هينور
لا يا حبيبى إتغير
لو هتسيب للدمع عيونك
صدقنى دموعك هتخونك
والاحزان هتفكر فيك
وهتعرف دبما أراضيك
على قلبك هتدور
لأ يا حبيبى إتغير
الشاعر ابراهيم الافندى