سيحارتى... بقلم : محمد احمد حسن ( ابومهاود )

سيجارتى
------------------
خطت خطوط العمر
على وشى
خطوط ظالمه.. خطوط عاميه..
خطوط قاسيه ما ترحمشى
طلت فيها تجاعيدى..
وتعقيدى..
وظهرت كرمشة ايدى
حتى النبض بقى بيجر ..
وماشى يزك ف وريدى
وبستسلم لأيامى..
ولا بيدى
واحلامى.. بتيجى عندى
وتعدى
مفيش مره بيجى الحلم
على قدى
سلام ع الدنيا.. على ناسها
لقيتها غرورة وأساسها..
بتتزوق على الموضه
وتتزين لخطابها
وهيه فانيه ولاتسوى
بتترقص لعشاقها
وكل وشوشها خداعه
يادوب ساعه..
ويظهر وشها الأصلى
وبعد التوهه والغفله
تروح قافله....
تنخور هم فى مفاصلى
ما انا اصلى...
عجبنى الكدب ف كلامها
عجبنى الزيف ف احلامها
وعشت تمللى خدامها

ومتعلق ف سواقيها
ابخر فيها وارقيها
عشان ترضى ..ولا بترضى
وأخرتها .. على كيفها..
سابتنى وحيد انا وحيرتى
بشد الحزن ف سجارتى
--------------
ابومهاود
محمد احمد حسن