منتدى ثقافى أدبى يهتم بالشعر والشعراء وشعر العاميه المصريه


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

سيحارتى... بقلم : محمد احمد حسن ( ابومهاود )

اذهب الى الأسفل  رسالة [صفحة 1 من اصل 1]

1 سيحارتى... بقلم : محمد احمد حسن ( ابومهاود ) في الإثنين يناير 22, 2018 7:09 pm

سيجارتى
------------------
خطت خطوط العمر
على وشى
خطوط ظالمه.. خطوط عاميه..
خطوط قاسيه ما ترحمشى
طلت فيها تجاعيدى..
وتعقيدى..
وظهرت كرمشة ايدى
حتى النبض بقى بيجر ..
وماشى يزك ف وريدى
وبستسلم لأيامى..
ولا بيدى
واحلامى.. بتيجى عندى
وتعدى
مفيش مره بيجى الحلم
على قدى
سلام ع الدنيا.. على ناسها
لقيتها غرورة وأساسها..
بتتزوق على الموضه
وتتزين لخطابها
وهيه فانيه ولاتسوى
بتترقص لعشاقها
وكل وشوشها خداعه
يادوب ساعه..
ويظهر وشها الأصلى
وبعد التوهه والغفله
تروح قافله....
تنخور هم فى مفاصلى
ما انا اصلى...
عجبنى الكدب ف كلامها
عجبنى الزيف ف احلامها
وعشت تمللى خدامها

ومتعلق ف سواقيها
ابخر فيها وارقيها
عشان ترضى ..ولا بترضى
وأخرتها .. على كيفها..
سابتنى وحيد انا وحيرتى
بشد الحزن ف سجارتى
--------------
ابومهاود
محمد احمد حسن

معاينة صفحة البيانات الشخصي للعضو http://abo-mhawed.ahlamontada.com

الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى