قصيدة : غرام صافى ... بقلم الشاعر : محمد أحمد حسن ( ابومهاود )

ورمش عنيكى غلبنى
وخد روحى ووداها
وسهم النظره دوبنى
وخطف القلب وياها
امانه عليكى بالراحه
خدينى فحضنك الدافى
تلاقى النبضه مشتاقه
وقلبى فيه غرام صافى
بعيد عنك بنام تخاطيف
ونبض القلب مش كافى
يشيل لو حرف من اسمك
وطيفك جى متعافى
حرام تبقى هنا فقلبى
وطول الوقت مشتاقلك
باقول اشعار عشان يمكن
تروح عندك وتندهلك
دا انا محتاج ولو بوسه
ترد الروح وانا ف حضنك
تخلى النبضه تتزوق
وتتشوق ..
عشان يا حبيبتى ترجعلك
____________
ابومهاود
محمد احمد حسن