قصيدة : قررت انسى ... بقلم الشاعر : محمد أحمد حسن ( ابومهاود )

قررت انسى
كل لحظة حب
كانت يوم ما بينا
قررت اعيش رغم الالم
رغم الجراح
انسى اللى راح
وافتكر بس ان احنا
رجوعنا صعب ومستحيل
عاوز دليل ..
إسال ليالى الصبر
وسنين الغياب
ونبض قلبى اللى اشتكى
غدر وعذاب
لو جيت تدور ع الامل
تلقى الامل مكتوب غياب
وجاى عاوزتى ارجعك ..!!
ما اشجعك ..!!
فاكر عذابى معاك خلاص
هيروح بلاش
لأ ياعزيزى باطمنك
حتى الكلام ..
اصبح حرام ..
ولا قادره تانى اسمعك
لو قلبى تانى دق لك
يحرم عليا دقته
والنبض لو جه ف مره يحن لك
هادوس عليه .. واموته