مش كفايه ... بقلم الشاعر / احمد عبد الحق

مش كفايه
لو اخونك الف مره 
لو تموتي جوه نفسي 
الف مره مش كفايه
لو هدوس علي قلبي عشانك
ولو هجيب اي واحده
الف واحده تتمني تكون مكانك
ياما كنت تتمني حروفي 
تكتبك مره في قصيده
وياما كنت تتمني قربي
وانت بعيده
دلوقتي حكمتي علي نفسك
مولوده لقيطه
وهتموت ياخساره وحيده
كنت مستنيه ايه
تكوني شاطره في خيانتك
ابدا والله طلعت عبيطه
كنت فاكره اني عادي
تضربيه في خلاطك
مع كوبيه زبادي
كنت فاكره لما تزهقي
ترميني عادي
تجيبي غيري وتعشقيه
وابقي حرف احتياطي
لا والله يابليده
عمري ماهكون احتياطي
عمري ماهكون عبد ليك
اصلك مجربتيش عنادي
هرجعك زي ماكنت
تتمني حروفي تكتبك
تتمني انك تكوني 
ابدا لايمكن تكوني
رابعه كانت نص ضلمه
ونص نور
اما انت يا عنيده
هيموتك حبة غرور
هيموتك حبي لغيرك
ياريت تكوني فهمت
اللي بين السطور
احمد عبدالحق