لمبة جاز...بقلم : هناء محمود

لمبة جاز
يالمبة جاز كانت دايماً تنورنا
تدفينا تطمنا
يالمبة جاز وعيشة بسيطة
يااوضتين ني بتعريشة
ياصوت امي في عز البرد
بيدفي وطله وايدها بتغطي
ياعشة فوق سطوح البيت
وكام فرخة وبطاية
وبركة في عيشة
وضحكاية مافارقت
يوم اركان بيتنا
وفجأة الني بقا بناية
وعليت للسما وعدت
حدود الحلم والمعقول
وراحت اللي دفيتنا
وحبيتنا وطال ليلها
علي الماكينة تجيب بالعافية
قوت يومنا
سكنا العالي وعلينا
وراح الحب وحبيبتي
وراحت لمة العيلة
وراحت كل احلامنا
بقينا نعيش ونتمني
ونحلم تاني بلمبة جاز
ولمتنا
وعيشة بسيطة بتعريشة
وصوت امي في عز البرد
يدفينا
هناء محمود... ام عبير