عيش وسامح..بقلم: هناء محمود

عيش وسامح
الحياة دي هتبقي احلي
لو مسامح
انسي واغفر صفي قلبك
كله في ميزانك قاعد لك
دنيا فانية ماتستاهلشي
ع القلوب ندوس ونجرح
دنيا فانية وماتساويش
يبقي بنقائنا نعيش
اغفر وسامح
ده رسولنا كان دايماً
يحث برحمة ع التسامح
قال استروا علي بعض دايماً
واغفروا
اخطوه خطي حبيبنا دايماً
واهتدوا
دا وقت ماغاب اليهودي
مرة عن آذيته
سأل عليه
وفي دينا ب لينه اكسبه
واحنا علي دين الاسلام
دين رسولنا خير الانام
يبقي نخطو دوم خطاه
ومن قبله سيدنا عيسي
و الرسل
حثوا دايماً ع التسامح
ف عيش وسامح
هناء محمود... ام عبير