أمى...
أنا عندى ليكى مية سؤال مكتوبين فى سطور بتحكى ذكريات.....
هو انتى ليه سمتينى بالعلا
وانا عمرى ما سهرت الليالى ف العلام لجل الحياة......
هو انتى ليه معلمتنيش ف المدرسه...
والله كنت هبقى حاجه كويسه...
انا شايفه نفسى دكتوره شاطره
وساعات بشوفنى مهندسه.....
عارفه يا أمى
كان نفسى أمسك سماعات...
واكشف على قلوب البشر
من غير فلوس ولا عيادات.....
واخبى منهم همهم
واشيل وجعهم والآهات....
مش عايزه أبكى لحزنهم على حد من كتر المرض والفقر مات.....
كان نفسى اروح المدرسه
وارمى ورايا كوم سكات......
وارسم على حضن الورق
مربعات ومثلثات.......
وخطوط طويله آخرها نور
لكل حاجه مالحاجات......
واعمل ضفيره وامسك كتب
واكوى لبس المدرسه
زى البنات.......
ما انتى عارفه انا اصلى شاطره بفطرتى..وذكيه خالص
وجوه عقلى مميزات.......
يا امى يا علومى هنا
انا عندى 17 سنه
لوكنت روحت المدرسه
كان زمانى مخلصه ثانويه عامه
مش بتهته ف الحروف
وكأنى بتكلم لغات......
كان نفسى اروح المدرسه
والمس حيطانها وسبورتها
وابتدى بتختة جلوس
لحد ما انول العلا واقعد ف يوم وسط جامعه مرصصه بمدرجات.....
هو انتى ليه بتعيطى؟
عشان ابويا ساعتها مات؟
طب ليه محدش مد إيده
وخد باله منى وشدنى للعلم
حتى ولو ساعات؟.....
طيب خلاص متعيطيش
حقك عليا متزعليش
أوعدك يوم ما اروح بيت العدل
لوجبت بنت هتكونلى سكرة النبات.....
هديها اسمك ياحبيبتى
وهقوللها العلم نور..وتروح بإيدى المدرسه...وتجيبلى كده اعلى الشهادات......
وانتى معايا يوم الفرح بالتخرج والنجاح..ولاتندمى
على لحظه واحده ماللى فات...
بقلمى/ايمان مبارك ابو الحسن
الشهيره ب/فريده متوكل
أنا عندى ليكى مية سؤال مكتوبين فى سطور بتحكى ذكريات.....
هو انتى ليه سمتينى بالعلا
وانا عمرى ما سهرت الليالى ف العلام لجل الحياة......
هو انتى ليه معلمتنيش ف المدرسه...
والله كنت هبقى حاجه كويسه...
انا شايفه نفسى دكتوره شاطره
وساعات بشوفنى مهندسه.....
عارفه يا أمى
كان نفسى أمسك سماعات...
واكشف على قلوب البشر
من غير فلوس ولا عيادات.....
واخبى منهم همهم
واشيل وجعهم والآهات....
مش عايزه أبكى لحزنهم على حد من كتر المرض والفقر مات.....
كان نفسى اروح المدرسه
وارمى ورايا كوم سكات......
وارسم على حضن الورق
مربعات ومثلثات.......
وخطوط طويله آخرها نور
لكل حاجه مالحاجات......
واعمل ضفيره وامسك كتب
واكوى لبس المدرسه
زى البنات.......
ما انتى عارفه انا اصلى شاطره بفطرتى..وذكيه خالص
وجوه عقلى مميزات.......
يا امى يا علومى هنا
انا عندى 17 سنه
لوكنت روحت المدرسه
كان زمانى مخلصه ثانويه عامه
مش بتهته ف الحروف
وكأنى بتكلم لغات......
كان نفسى اروح المدرسه
والمس حيطانها وسبورتها
وابتدى بتختة جلوس
لحد ما انول العلا واقعد ف يوم وسط جامعه مرصصه بمدرجات.....
هو انتى ليه بتعيطى؟
عشان ابويا ساعتها مات؟
طب ليه محدش مد إيده
وخد باله منى وشدنى للعلم
حتى ولو ساعات؟.....
طيب خلاص متعيطيش
حقك عليا متزعليش
أوعدك يوم ما اروح بيت العدل
لوجبت بنت هتكونلى سكرة النبات.....
هديها اسمك ياحبيبتى
وهقوللها العلم نور..وتروح بإيدى المدرسه...وتجيبلى كده اعلى الشهادات......
وانتى معايا يوم الفرح بالتخرج والنجاح..ولاتندمى
على لحظه واحده ماللى فات...
بقلمى/ايمان مبارك ابو الحسن
الشهيره ب/فريده متوكل