يعنى ايه بحبك ... بقلم جرجس انيس

عارفه يعنى ايه بحبـــــــك
يعنى باتلكك واجـــــــــــيلك
والقى قلبى ينادى قلبـــــك
روحى تصرخ وتناديــــــلك

يعنى لما تكونى واقفــــــه
عينى تتلفت عليــــــــــــكى
واحس بيكى وانتى خايفه
حتى والفرحه فى عينيـكى

لما تبقى قريبـــــــــه منى
قلبى يرقص بين ضلوعى
واما لحـــــظه تغيبى عنى
كيانى يغرق من دمــوعى

عارفه وانتى ما بين بحور
من الالم باقرا اللى فيـــكى
لو ما بينا الف ســــــــــور
من عينيكى احس بيـــــكى

طب هاقولك حاجه تــــانى
شوقى كل يــــــــــــوم يزيد
دايما انتى مجننــــــــــانى
باهوى صوتــــــك من بعيد

عرفتى يعنى ايه بحبـــــك
يعنى عشقك جوه دمـــــــى
وابقى نبضك وابقى حبـك
تبقى فرحى وتبقى همــــــى

جرجس