بحبك يا بلدى .... بقلم الشاعر / محمد جمال فايد

................بحبك يا بلدى .................
بحبك يا بلدى .ومين ينافسنى 
....على حبك ولا عنك يشغلنى ويغنينى
بنام واصحى .على صوتك 
.....وصوت البلابل على شجرك يلاغينى
واشقى نهارى .علشانك 
...............وليلى مع قمرك أسهر يسلينى 
واشتاق لهواك .مع شمسك واركب
وقت الغروب مركب على شطك ترسينى
وأنادى عليكى بحبك وبهواكى
.........تمد إديكى وفى حضنك وتخدينى 
وإيدك تمشى على راسى تفكرنى 
..........وأنا صغير ابوس ايدك ..تضمينى 
وتقولى بكرة يا غالى..هتكبر
...........وتبقى أسد يكيد العدا ويحمينى 
ولا هتبقى جبان آسى ومش راسى 
........تعيش ناسى وتهجرنى وترمينى؟!! 
أبص بدهشة فى عنيك..ليه يا امه 
.................ونظرة عينك الحلوة تهدينى 
أنا عمرى ما هبقى خسيس ولا أنكر 
...............جميل اللى ماء نيلها .بيروينى
ولو جانى الموت .بعيد عنها 
..............واشم ترابها رب الكون يحيينى 
وأفوق من رحلتى المرة على  
................كارثة.ونار فى الجسم تكوينى 
هجوم إرهابى على  كنيسة ودفنة 
..............عريس كان على فرحه بيدعينى 
وإنت واقفة تقولى ياحته منى ياساكن
........ .قلبى والننى وحضنك كان مدفينى
سايبنى لمين ياغالى هنا وحدى 
............ومين غيرك بعد الرحيل يراعينى 
يرد عليك من لحده ياغالية الغاليين 
.....متحزنيش وبلاش تقولى كلام يبكينى
سايبك لشعبك وجيشك درعك الواقى
............هيرعاكى يصون عهدك ويرضينى 
ومتزعليش يا غالية الغاليين انا
........فى الجنة متهنى ورضا ربى يكفينى 
ووصيتى ليكى يا بلدى  يوم نصرك 
...............تخدينى على صدرك ما تنسينى 
دنا انا اتمنى أموت واحيا ميت 
..........مرة وأرد لك جزء يا بلدى من دينى 
.......يا غالية الغاليين..يا نور عينى...........
....................مع تحيات...........................
..............محمد جمال فايد.....................
............جمهورية مصر العربية...................
....كفر شبرا زنجى الباجور منوفية..............
.