قالوا دا شاعر .... بقلم الشاعر / احمد عبد الحق .... فى مجموعة ابومهاود الشرقاوى الثقافية

قالوا ده شاعر
كل يوم عاشق لواحده
وكل ساعه بحال
زي طير فرحان بطيره
هو معني الاجابه في السؤال
قالوا ده ساحر
واكتر الاوقات مهاجر
قالوا حلم 
لا يكنش علم
اصله مخلوق دمه حر
مخلوق يحب ويتحب
مخلوق يغير
مخلوق عشان يبقي طاير
-------------------------------
انالسه عن وعدي
اخونك واكسرك
فيها ايه زي ماخسرتيني
تسمحيلي اخسرك
فيها ايه 
والله ليها الف حق
ان حروفي تكرهك
والله ليها الف حق
ان مشاعري مش حاسه بيك
وكل ماتحس تجرحك
واشتياق لما يغلبني
يفوق قوام
يفتكر انك بعتيني بكام
ويفتكر فيك خيانتك
يكتب حروف
ينشر جواك الف خوف
خوف جواك يجرحك
لسه عندي وعدي
اخونك واجرحك
انا زي ماكتبتك احلي حروف
برضو بايدي ولو غصب عني
بنفس ايدي همسحك
وافتكري ديما
ان اللي من جوه العفن 
حاول في يوم يطهرك
حاول من جوه الضلمه يطلعك
حالف انه للعفن
وللسواد ان يرجعك
اصلك مخلوقه للعفن
وانا بايدي جهزت الكفن
الله ياشاطره يرحمك
احمد عبدالحق