قصيدة : فرسان ورق .. بقلم الشاعر المبدع : مصطفى فريد

فرسان ورق
من ديوان / سنين المخاض
للشاعر/ مصطفى فريد

لما ضيعنا الامانه
وارتضينا بالمهانه
فجرنا أصبح عشانا
فجرنا مزع حشانا. (بضم الفاء)

والمهانة فى دمنا
بتسمنا
وتذلنا
وكأننا
مش من هناك
ولا من هنا
ولا يوم لنا
حق الدفاع عن نفسنا
يوم ما الوبا
يسكن خلايا الألسنة
نخرص ونمدغ حزننا
الهم ياكل حلمنا
يتمكن الخوف مننا
تعلا الآنا
والضهر منا يتحنى
تصبح آلام الموت غنا
فوق الوشوش متلحنه
ميهمناش غير إننا
نرسم بقايا بعضنا
فرسان ورق
راكبين بعكس الأحصنة
فرسان عروقها محصنه
ضد الرجولة
ضدنا