آن الآوان .. بقلم : محمد احمد حسن ( ابومهاود )

آن الآوان
ان الاوان
انا وانتى يجمعنا مكان
رغم البعاد..
رغم السنين..
والقلب دايب م الحنين
وياكى بحلم بالامان
وياكى فجر الحب راجع من بعيد
وبكره الجديد ..
يضحك لنا فيه الزمان
واكتب على ضى القمر
القلب دايب م السهر
محتاج حنان..
ان الاوان..
نرسم غرامنا ع الشجر
قلبين وسهم..
وحروف اسامى بالمختصر
ومن تانى يجمعنا القدر
ومهما حسيت بالخطر
قلبى الصغير..
يحميكى من غدر البشر
ومهما السهر..
طول انا فحضنك هنام
واصنع من حروف اسمك سفينه
وألف مينا
توصلنا فوق بر الامان
ان الاوان..
انا وانتى يجمعنا مكان