منتدى ثقافى أدبى يهتم بالشعر والشعراء وشعر العاميه المصريه


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

صرخة... بقلم الشاعر : خالد احمد عبد السميع

اذهب الى الأسفل  رسالة [صفحة 1 من اصل 1]

1 صرخة... بقلم الشاعر : خالد احمد عبد السميع في السبت فبراير 17, 2018 12:58 pm

كلماتى : خالدأحمدعبدالسميع
"""""""""""""""
صرخه
،،،،،،،،،،،،،،،،،،،،،،،،
نفسى أصرخ بعلو صوتى
وأصرخ كمان وأعلى صوتى
نفسى أخرج من سكوتى
يا إما حقك يا إما موتى
آااااااه
آااااااه
آااااااه
كل حاجه لمستها بإيديك معايا
كل هدمه لبستها هتكون مرايا
بنظره ليها أحس منها انك معايا
إوعاك تفكر ان دى هى النهايه
دا اﻷنبيا والصديقين بعدين ضنايا
لكنى بحلف والقسم بالله كفايه
قلبى فرحان لك أوى إرحم بكايا
مش هقول انك مشيت
لأ روحك معايا
إوعاك تفكر ياابنى يوم
إن رصاص الغدر صابك
لكن أراد رب العموم
والميعاد ده كان ميعادك
جرحونى
وجرح قلبى ما عتش جرح
لو شفتوا قلبى هتعرفوا
إنهم دبحونى دبح
كل المعانى الحلوه راحت
لما ريحة الغدر فاحت
من ليله واحده ياابنى فاتت
المشاعروالمعانى الحلوه ماتت
والنهارده عرفت حاجه
عرفت إيه معنى الشهاده
عرفت إنها مش وفاه
إنما لحظة ميلاده
وقت ما نلت الشهاده
إتفتح لك صفحه بيضا
إحكى قول لى
شفت فى الجنه مكانك
و72من بنات الحور عشانك
والا مين
حط تاج الوقار فوق دماغك
وعد ربك فى السما من يوم ميلادك
كلمتين من ابوك عشانك
وعد منى فى رقبتى طارك
إبن الريف: خالد أحمد

معاينة صفحة البيانات الشخصي للعضو http://abo-mhawed.ahlamontada.com

الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى