منتدى ثقافى أدبى يهتم بالشعر والشعراء وشعر العاميه المصريه


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

الولد هريدى ... بقلم / محمد احمد حسن ( ابومهاود )

اذهب الى الأسفل  رسالة [صفحة 1 من اصل 1]

الولد هريدى
___________( ساخرة )
انا أسمى هريدى واد المرحوم
بشرب زلعة مش انا لما بقوم
وزلعة مساءً قبل النوم
ويوماتى البد فى قصبنا
انا ورجالة العيله وكل عصبنا
لجل ماناخد تارنا من ولاد الفرطوس
ومسلح انا واخواتى كده بالشوم والفوس
وعند الفجر..
تلاقى الغيط والشوم ممصوص
رجاله يابوى على طول الخط
لا تقول مطاريد آه يابوى ولا خط
ومطرح ماالرجلين بتحط
النار بتولع ف المخاليق
والكفر بحاله يوج حريق
والأرض بتطرح فيه خواذيق
أنا اصلى هريدى واد المرحوم
لا عمرى راح اهدى واشوف النوم
قبل ماأرجع حق العيله
وعيلة العيله..
وكل كليله
أصل انا مولود من قلب الليل
ولا أحب الكدب ولا التمثيل
معرفش انا كيف.. وأزاى..ولماذا
يوم ما نزلت..
رضعت الدم من البزازه
بشيل الهم يوماتى هموم
شريانى معبي برود وسموم
ولاعينى بتعرف طعم النوم
ولا عمرى ف ليليه ابات مهزوم
والدنيا بتقلب..
رعد وبرق.. كمان وغيوم
ونهارها يطين وانا موجود
وسماها تغفلق نار وبارود
وتغفل لما بنام باليل
وأول ما اصحى الدنيا تقوم
انا اصلي هريدى واد المرحوم
الولد يهل يشيل نبوت
وان كان هيخاف احسن له يموت
ولاأنه يعيش كدا بنت بنوت
اللعب حدانا خناق بالشوم
ودلعنا تملى يكون مشؤوم
والضحك حدانا ملهش لزوم
انا اصلى هريدى واد المرحوم
_______________________
ابومهاود
محمد احمد حسن

معاينة صفحة البيانات الشخصي للعضو http://abo-mhawed.ahlamontada.com

الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى